Гостивар

Филипче на средба со реисот Фетаху – поглаварот на ИВЗ со поддршка за справувањето со коронакризата

Објавено

пред 4 години

на

26/06/2020

Од

Gostivarpress.mk

Министерството за здравство иницира заеднички средби на претставниците на владата, невладините организации и верските заедници со цел сите општествени чинители активно да се вклучат и да го искористат своето влијание во заедницата во борбата со коронавирусот.

„Борбата со вирусот ќе трае, но ние мора да научиме да живееме со него и да се заштитиме. Сметам дека е од огромно значење сите општествени чинители активно да се вклучат, да го искористат своето влијание во зедницата во подигнување на свеста за коронавирусот и потребата од почитување на мерките за лична заштита. За ова е неопходен дијалог на сите општествени нивоа. За оваа цел, Министерството за здравство иницира заедничка средба на претставниците на владата, невладините организации и верските заедници на која ќе ги дефинираме начините за активно вклучување на сите и обединување во борбата со вирусот“ , се наведува во изјавата на министерот.

Во контекст на ова, утрово Филипче оствари и средба со новиот реис на ИВЗ, Шаќир Фетаху.

„Фетаху во целост се согласува со ова и ја поздравува иницијативата. Тој посочи дека ќе продолжи да дава максимална поддршка и свој личен придонес во напорите на институциите кои се справуваат со корона кризата во земјата“, рече Филипче.

Сподели ја веста:

Поврзани теми:ивз