Апел од полицијата по растот на заболени во Гостивар – Мерките да се почитуваат максимално!

Недисциплината на граѓаните на гостиварското подрачје во однос на мерките на заштита од коронавирус, ја крена бројката на заболени. Во изминатите два дена беа потврдени 30-тина нови случаи, од кои најголемиот дел се жители на градот Гостивар и од околните села. Оценка на медицинските лица е дека ширењето н авирусот е резултат на групирања по паркови и угостителски објекти, на домашни прослави, користење на јавен превоз во комбиња, автобуси и такси возила беа основните начела на заштита: дистанца и маски.

Секторот за внатрешни работи Тетово повторно упати апел – граѓаните строго да се придржуваат до мерките за да се спречи натамошно ширење на заразата.

„Сите мерки да се почитуваат максимално. Особено во јавниот транспорт, каде периодов ни е ставен акцентот во контролите. Во комбињата, автобуси, минибуси, такси возила да се носта маски и да се редуцира бројот на патници, според протоколите. Исто така, да нема групирања на луѓе по парковите, во кафулињата и другите угостителски објекти, на маса да не седнуваат повеќе луѓе отколку што е дозволено“, се вели во апелот од СВР.

Полицијата најави поригорозни казни за прекржување на мерките, а освен граѓаните, под лупа ќе бидат ставени и правните лица.