Пренесување на моштите на Св.Јован Златоуст

Според православниот календар, денес се слави Пренесување на моштите на Св.Јован Златоуст. Овој светец се смета за еден од најголемите беседници на Христовата црква, а проповедал скромност и велел дека светите лица литургијата треба да ја отслужат за една пара, а не за илјада гроша како што барале други.

Роден е во Антиохија во 354 година, од татко Секунд, војвода, и мајка Антуса. Ја примил христијанската вера и по смртта на родителите се замонашил. Царот Аркадија го назначил за Цариградски патријарх на која функција останал шест години. По бројни клевети, бил прогонет.

Се упокоил 407 година во местото Комана во Ерменија. Неговите мошти биле пренесени во Цариград, 438 година каде биле положени во црквата Свети Апостоли. За време на Латинската империја во Цариград, моштите биле однесени во Рим, во катедралата Свети Петар.