Министерот Кучи со изјава за последиците од блокадата на Евзони и нафтената криза

При денешната посета на фабрика во близина на Гостивар, министерот за економија, Дритон Кучи изјави дека се преземаат мерки за да се спречат последици и кризи врз македонската економија, поради блокадата на граничниот премин Евзони во Грција.

„Како Министерство и Влада се ангажираме да го надминеме проблемот. Остварив директен контакт со нашиот Амбасадор во Грција, кој ми укажа на тамошните состојби и проблеми. Таму, веќе се зборува дека освен на Евзони, блокади ќе има и на автопатот Игнација и други протести. Тоа е информација која не укажува на надминување на внатрешните проблеми во Грција, но ние како Влада, секако дека ќе ги преземеме сите мерки, да не се создадат сериозни последици и кризи во Македонија, како што последниве денови се зборува за нафтена криза“, изјави Кучи.