Гостивар
Станари од зграда во центарот на Гостивар попречени да си го откупат дворното место
Повеќе од десет години, се обидуваат да го откупат дворното место пред зградата во која живеат, но постојано наидуваат на препреки. Станарите од зграда на ул„Илинденска“ во близина на плоштадот на Гостивар велат дека не можат да си го остварат правото, заради заплеткани процедури.
На почетокот дворот не ни бил внесен во урбанистичкиот план. Откако платиле да се направи геодетски елаборат, местото влегло во планот. Ја поднеле целата документација за приватизација, но правно лице кое нема сопственост во зградата, а има корисничко право на место под објектот, го оспорува предметот.
„Проблемот тргна од 2009-та година, кога беше донесен Законот за откуп на дворни места. До ден денес, не е решен, од причина што странка што нема имот ни го оспорува правото на приватизација. Странката има корисничко право за простор под зградата, но не на дворот. Во катастар по закон требаше да се избрише корисничкото право, дека не постои. Тоа не беше направено, не знаеме од кои причини. Предметот стигна до второтстепена комисија на Управен суд“, објаснува Велимир Ѓорѓески, еден од станарите во зградата која има 12 станови.
Станарите посочуваат дека во решенијата што ги добиваат од комисиите за имотно-правен спор, нема логични образложенија. Бараат институциите наместо да ги вртат во круг, да најдат начин и решение да можат си го остварат правото на приватизација на дворното место.
„Последното решение е донесено на 28 јануари годинава. Во него само е нешто пишувано, како на фотокопир, членови од закони и повторно е вратен предметот на првостепена комисија. Просто кажано, не шетаат од врата на врата. Толку години да не може да се реши тој спор, не е можно. Немаме друго што и мораме да се обратиме јавно преку медиумите“, вели Ѓорѓески.
Од одделението за имотно-правни работи во Гостивар, кое ги води предметите за откуп на дворови, рекоа дека се додека не биде избришано заостанатото корисничко право од катастар, не може да се донесе решение за приватизација.
Во меѓувреме станарите посочуваат дека неможноста да го откупат дворот им создава секојдневни проблеми со узурпација на просторот, блокирање со паркирани возила и слично.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот