Училишта во пет села од Општина Врапчиште добија согласности за настава со физичко присуство

Владата на вчерашната седница го усвои извештајот за работата на Комисијата за разгледување на барања за организирање на настава со физичко присуство, поднесени во периодот од 5 до 6 октомври 2020 година.

Комисијата разгледала вкупно 39 барања од основни училишта и даде согласност за започнување на настава со физичко присуство на 13 основни училишта, додека барањата на 25 основни училишта не се прифатени.

Меѓу училиштата кои добија согласност за настава со физичко присуство има неколку подрачни во села на територијата на Општина Врапчиште и тоа:

-училиштата во Галате, Калиште и Топлица добија согласности за настава со физичко присуство за учениците од четврто и петто одделение

-училиштата во Ломница и Ѓурѓевиште за учениците од петто до деветто одделение.