Собранието изгласа носење маска на отворено, забрана за групирање после 22 часот…

Собранието вечерва ги усвои измените на Законот за заштита на населението од заразни болести. Со измените се предвидува воведување нови мерки за поголема заштита од коронавирусот и спречување на негово ширење, меѓу кои и носење маска на отворено.

Мерката за задолжително ноисење на заштитна опрема на лицето нема да важи во следните услови: при спортување на отворен простор или на затворено со почитување на специфичните протоколи за заштита (дистанца, дезинфекција и слично), при возење во приватно патничко моторно возило ако возачот е сам или со лице/лица со кој/кои што живее во заедница, при престојување во двор на семејна куќа сам или со лице/лица со кој/кои што заедно живеат во заедница, при седење во угостителски објект со почитување на специфичните протоколи за заштита (дистанца, дезинфекција и слично), ако се користи друг тип на заштитна опрема специфична за определено работно место, ако лицето е помладо од 6 годишна возраст (дете) и ако лицето има специфична здравствена состојба, е лице со посебни потреби или е лице со пречки во развој.

Измените предвидуваат и забрана за групирање на јавен простор (паркови, јавни површини или било која површина на отворено) по 22 часот.

СДСМ претходно го повлече предлогот за ограничување на бројот на гости на максимум 4 во домовите.