Неделен рецепт: Полнети пилешки копани

Лесно и едноставно за подготовка, а убаво и за очи и за стомак. Ова е рецепт што задолжително треба да го вметнете во семејното мени – полнети пилешки копани.

Состојки:

4 копани
150 гр.кашкавал
100 гр. чадено пилешко
10-тина маслинки
1 морков
2-3 лажици павлака

Подготовка:

Најпрво откостете го месото внимателно, парчињата да останат цели. Потоа посолете го и исчукајте со готварски чекан. Премачкајте го секое парче со павлака, па наредете кашкавал, чадено пилешко, сецкани маслинки и сецкан морков. Завиткајте ги убаво во ролат, едно по едно и наредете во тава за печење која ќе ја покриете со алуминиумска фолија. Во загреана рерна на 200 степени, полнетите копани треба да се печат 30-40 минути, односно додека не заруменат.