Гостивар
Неделен извештај за корона: Во Македонија над 7.300, во Гостивар 284 нови случаи
Во периодот од 9 до 15 ноември во земјава се регистрирани 7.355 нови позитивни случаи на коронавирус, додека во регионот на Гостивар 284.
Во неделниот извештај Институтот за јавно здравје наведува дека межу новозаразените најзастапена е возрасната група на лица на возраст над 60 со 22,4%. Голем број на заболени се регистрира и кај лицата во возрасните групи од 30-39 год (20,3%), 40-49 (19,5%), 50-59 (19,2%) и 20-29 (13,1%). Најмал број е регистриран кај децата од 0-9 (1,6%) и 10-19 години (3,9%).
Во однос на дистрибуцијата по пол, пријавени се 3.731 (50,7%) лица од машки и 3.624 (49,3%) од женски пол.
По добиени 2 негативни теста за присуство на SARS-CoV-2 или со употреба на новиот алгоритам, како оздравени се водат 3.524 лица кои биле хоспитализирани или на домашно лекување.
Во овој период пријавени се 172 смртни случаи од 23 града, зголемување од 35,4% во однос на минатата недела. Во однос на возраста, 135 лица биле над 60 години, 26 лица на возраст од 50-59 години, 9 смртни случаи се пријавени од возрасната група 40-49 години и два случаи во возрасната група од 30-39 години.
Во однос на симптомите кои се пријавени кај заболените лица, најчесто се регистрирани температура (68,9%), малаксаност (41,5%), кашлица (39,8%), главоболка (19,4%), болка во грло (15,7%), мускулна болка (13,9%), треска (13,2%), ослабен осет за мирис и/или вкус (11,5%) и отежнато дишење (10,0%).
Од случаите кои се епидемиолошки истражени кај 23,3% од дијагностицираните лица не се регистрирани симптоми на заболувањето.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот