Пријавени повеќе пожари на гостиварското подрачје

Во текот на вчерашниот ден во СВР Тетово биле пријавени неколку пожари во затворен и на отворен простор на гостиварското подрачје.

Во 19 часот и 35 минути пријавен е шумски пожар над гостиварското село Дебреше на површина од над 100 метри квадратни. Пожарот е се уште активен и се преземаат мерки за негово локализирање.

Како што објавивме вчеравечер, пожари биле пријавени и во куќа во Гостивар на ул.„Драге Тодороски“, кој настанал во подпокривот. Повредени лица нема, а пожарот бил целосно угаснат од екипа на противпожарната единица. Во 16 часот и 25 минути пријавен бил пожар кој избувнал во помошен објект во селото Врбен во кој живеел С.З. 84 годишен. Повредени нема, а со интервенција на мештаните и пожарникарите пожарот бил локализиран.