1,56 милијарди заштитни маски завршиле во океаните

Во текот на 2020 година произведени се над 50 милијарди заштитни маски за лице, а се проценува дека 1,56 милијарди парчиња завршиле во океаните, покажуваат податоците на групата „Oceans Asia“.

Во извештајот се цитираат застрашувачки податоци за загадувањето на океаните за време на пандемијата, а со оглед на количината на маски што завршиле во нив, тоа е сериозен проблем. Се проценува дека се потребни 450 години за да се распадне една пластична маска.

Исто така, во извештајот се наведува дека околу 3 проценти од произведените 52 милијарди маски ќе завршат во нашите води. Овие се загрижувачки бројки, бидејќи пластичниот отпад убива околу 100.000 морски цицачи и желки, повеќе од милион морски птици и многу повеќе риби, безрбетници и други морски суштества годишно.

Пластичниот отпад влијае не само на морскиот живот, туку и на крајбрежните заедници, риболовот и економијата.

Пластичниот отпад драстично се зголеми во текот на изминатата година, поради пандемијата на коронавирусот, поради обврската за носење на заштитни маски и ракавици, и тоа ќе има негативно влијание врз природата.

“Маските за еднократна употреба се направени од различни видови пластика и тешко се рециклираат поради нивниот состав, ризик од контаминација и инфекција. Овие маски завршуваат во океаните кога ќе бидат фрлени и кога системот за управување со отпад е несоодветен, преоптоварен и ако го има воопшто”, се вели во извештајот.

Отпадот предизвикува штета на океаните и животните, а пример е мртов пингвин пронајден на плажа. Во чиј стомак имаше маска.

Авторите на извештајот наведуваат дека постојат решенија со што може да се минимизира влијанието на пластичниот отпад. Меѓу нив има и маски за повеќекратна употреба кои се направени од материјали што можат да се рециклираат. Во секој случај, како и да е потребно е маските и ракавиците да се фрлаат на соодветен начин. Исто така е важно да се избегне пластично пакување и да се изберат еколошки алтернативи.

We first alerted the world to the problem of #SingleUsePlastic face masks washing up on #HongKong beaches in February 2020 😷

10 months later and the situation has not changed.

Look for our full report on #COVID19, face masks and #MarinePlastic #PlasticPollution next week! pic.twitter.com/JV3EaPB8Fn

— OceansAsia (@oceansasia1) December 3, 2020