Следуваат денови со екстремно студено време

Во текот на оваа работна недела не се очекуваат нови снежни врнежи, а ќе владее многу студено време.

Денес, понеделник, Сонцето изгреа во 6.33 часот, а ќе зајде во 17 часот и 9 минути. Метеоролозите прогнозираат сончево и студено време со мала до умерена облачност и  умерен до засилен ветер од северен правец. Температурата ќе се движи во интервал од -13 до -6 степени.

Вторник и среда ќе се задржат слични временски прилики, сончево и студено, со мала до умерена облачност и слаб до умерен северен ветер. Максималната дневна температура ќе достигне 0 степени, додека утринските ќе бидат до -10.

Во четврок се очекува мало затоплување во однос на претходните денови, со дневна температура од 5 степени. Ќе дува слаб до умерен северен ветер. Во петок ќе настапи наоблачување со услови за дожд.