Две кривични против гостиварци за непочитување прописи во ковид пандемија

Надворешната канцеларија за криминалистички работи Гостивар поднесе кривична пријава против 45 годишен жител на Чегране, гостиварско, сопственик на угостителски објект, поради постоење основи на сомнение за сторено кривично дело „непостапување според здравствените прописи за време на епидемија“. МВР соопшти дека на 27.12.2020, полициски службеници извршиле контрола во угостителскиот објект на пријавениот, при што констатирале дека работел подолго од предвиденото работно време, а во објектот биле затекнати гости, со што се прекршени одлуките, мерките и протоколите со цел спречување на ширење на коронавирусот  ковид-19 и заштита на јавното здравје на населението.

НКР Гостивар поднесе кривична пријава и против 43 годишен жител на Гостивар, вработен како возач во превозно претпријатие, поради постоење основи на сомнение за сторено кривично дело „непостапување според здраствените прописи за време на епидемија“. „На 28.10.2020, при извршена контрола од страна на полициски службеници на наплатна рампа Гостивар, било констатирано дека пријавениот управува автобус „сетра“, сопственост на правното лице, кој во моментот превезувал повеќе патници со што ја прекршил одлуката за максимум 50% од вкупниот капацитет на возилото.“, информира МВР.