Нешковска: Да ја движиме државата напред наместо да ја блокираме, ве охрабрувам да го дадете гласот за поддршка на бројот 1

На крајот од предизборната кампања, пред да настапи молк, кандидатката за пратеник во Изборна единица 6 од редовите на СДСМ, Ема Нешковска го упати својот повик до граѓаните.

„Судбината на државата е во Ваши раце, а одлуката е единствено Ваш избор. Да продолжиме да зборуваме за политики со кои се доближуваме до развиениот свет и со реални решенија да го подобруваме животниот стандард на граѓаните. Да ја движиме државата напред наместо да ја блокираме и задолжуваме за барокни фасади, стиропор, мермерни плочи и жални врби, за позеленети споменици и полу рушени градби. Ајде да ги направиме реалност заложбите за подобри услови за децата, учениците, студентите, за вработените, за пензионерите, за лицата со попреченост, за лицата со ретки болести, за болните за ранливите категории… за сите! Со СДСМ никој не е заборавен и никој не е запоставен, затоа што за СДСМ сите се важни. Исто како што се сите важни за нашиот претседател Стево, кој многу пати покажал дека е на страната на обесправените, маргинализираните и малкубројните. Ве повикувам и Ве охрабрувам да го дадете Вашиот глас за поддршка на бројот 1 и за парламентарни и за претседателски избори.“, истака Нешковска, воедно упатувајќи критики кон политичките опоненти:

„Во изминатиов период, имавме прилика да го слушнеме и видиме лицемерието на ДПМНЕ, кое уште еднаш потврди дека кај нив, ништо не е променето. Се изнаслушавме за проекти, што веќе се реализирани, за наводна заробеност на државата, кога сите живеат слободно, за проблеми врзани со локалната самоуправа, во услови кога 39 општини и градот Скопје се предводени од нив, а во другиот дел се во коалиција со локалната самоуправа како што е случајот во Гостивар, за правда, подобро образование и подобар здравствен систем, кога тие го уништија и урнисаа целиот функционален систем во државата и без нималку срам, денес се појавуваат пред нас и себеси се претставуваат како спасители на Македонија и македонскиот народ. Истите тие, кои беа неми послушници и доследни почитувачи на режимот на Груевски кој што верувам никој не сака да ни се врати. Во изминатиов период, исто така видовме и слушнавме, како наши доскоршни сопартијци и соборци договориле предизборна коалиција со ДПМНЕ и јавно искажуваат поддршка на кандидатката за претседател од ДПМНЕ. Оние, кои до вчера раскажуваа како страдале во времето на режимот, денес работат за да ни го вратат назад. Истите тие, сокриени зад слоганот максимум за државата, а во реалност борбата е максимум за себе и само за себе.“