Тешко повредена гостиварка во судир на две БМВ-а

Во несреќа која се случила вчера во Гостивар со тешки повреди се здобила жена, додека друго лице поминало со полесни повреди.

МВР соопшти дека на 1 март во 11.20 часот било пријавено дека на бул.„Браќа Ѓиноски“ во Гостивар се случила сообраќајна несреќа помеѓу патничко моторно возило „бмв“ со гостиварски регистарски ознаки, управувано од А.А.(54) од Гостивар и патничко моторно возило „бмв“ со хрватски национални ознаки, управувано од Д.С.(43) од Врапчиште.

„Во незгодата, сопатничката во возилото со гостиварски регистарски ознаки, Е.А.51 годишна од Гостивар се здобила со тешки телесни повреди,  додека возачот А.А. се здобил со телесни повреди, констатирани во болницата во Гостивар. Увид на местото на настанот извршила екипа од Полициска станица Гостивар.“, извести полицијата