Тече вакцинацијата на македонските бизнисмени во Србија, до 11 часот 500 вакцинирани

Стопанската комора на Северна Македонија соопшти дека во тек е вакцинација на бизнис заедницата, која заедно со Стопанската комора на Србија, а во рамките на Коморскиот инвестициски форум ја реализира викендов во спортската сала „Чаир“ во Ниш, Република Србија.

„Се вакцинираат вработени од Комората, како и вработени од компаниите членки на Комората чии работни места се од висок ризик од пандемијата и единствено на овој начин ќе продолжат непречено да работат, да го задржат нивото на економска активност и да ѝ помогнат на државата и економијата во борбата против пандемијата.“, соопштија од Комората.

Од таму упатија благодарност до Министерството за внатрешни работи за брзото постапување по барањето на Стопанската комора за пуштање на повеќе ленти за возила на граничниот премин Табановце, со цел брз проток на патници, поради акцијата за имунизација од КОВИД 19 на претставниците од бизнис заедницата.

Од отворањето на пунктовите за вакцинирање, до 11 часот, вакцинирани се повеќе од 500 лица, информираше Комората.

фото:Стопанска Комора