Не биди гринго, пробај микелада – Мексикански коктел кој лади и пече во иста голтка

Ако никогаш не сте пробале микелада, не знаете што пропуштате. Освежувачки и пикантен, мексикански коктел од пиво и лимета кој убаво разладува и релаксира.

Може, но не мора да додадете неколку капки соја сос на овој пијалок, што ќе му даде нота која ќе ве натера да посакате уште една голтка, а потоа уште една. За да создадат убава боја, мексиканците знаат да додадат сок од домати во микеладата. 

Состојки за микелада:
360 мл пиво
1 лажичка чили во прав
1/2 – 1 лажичка сол
60 мл сок од лимета
2 лажички лут сос (табаско, срирача…)
неколку капки соја сос
кора од лимета
мраз

Подготовка:
Во плитка чинија, измешајте сол и чили во прав. Намачкајте ги рабовите на чашата со кората од лимета и превртете ги во чинија за да ја премачкате со зачините. Истурете сок од лимета и соја сос во чаша и нежно измешајте. Наполнете ја чашата со мраз, а потоа дотурете го пивото. Нежно промешајте, украсете со лимета и послужете.