„Чорбаџи Теодос“ ќе се игра во Гостивар

Комедијата „Чорбаџи Теодос“ , која се смета за врвно драмско дело на македонскиот писател, Васил Иљоски ќе биде поставена на театарската сцена во Гостивар. Драмската екипа со млади, но сепак искусни актери, веќе ги започна подготовките и првичните проби. Гостиварскиот Центар за култура „АСНОМ“ ја предвиде претставата во годишната програма, како настан за одбележување на 24-ти Мај, Денот на Св.Кирил и Методиј. Така, премиерната изведба се планира во деновите околу празникот. Режијата на комедијата е во рацете на Ѓорѓи Нешкоски.

„Чорбаџи Теодос“ е комедија на интрига која како тема ја обработува забранетата љубов на двајца млади, а при тоа се исмејува вообразениот чорбаџиски свет.