Светскиот ден за заштита на потрошувачи посветен на онлајн шопингот

Датумот 15-ти март, се одбележува како Светски ден на правата на потрошувачите. Годинава Светската организација на потрошувачи реши овој ден да го посвети на темата: „Подобар дигитален свет“.

По тој повод се спроведува кампања за промовирање на правата на потрошувачите во дигиталната сфера, односно купувањето преку интернет, преку социјалните мрежи и медиумите.

Дигиталната технологија има огромно влијание на потрошувачите низ светот. Технологијата им дава на потрошувачите повеќе избор, комфор и информации, но ги става и во ризик од нечесни пазарни практики кои се применуваат на интернет. Кампањата на Светската организација на потрошувачи има за цел, да се обезбеди сигурност и безбедност на податоците и за да се им се помогне на потрошувачите да знаат на кои услуги можат да им веруваат.

Во продолжение е видеото од кампањата за Подобар дигитален свет. Видеото е достапно со превод на македонски јазик. За да го вклучите преводот кликнете на Settings па потоа во делот Subtitles/CC одберете Macedonian.

ПОДОБАР ДИГИТАЛЕН СВЕТ