Возач се обидел да прегази полицаец при контрола во Гостивар

Полицијата работи на расчистување на случај во Гостивар, при кој лице се обидело да удри во полицаец со автомобил. СВР соопшти дека вчера (16 мај) околу 18 часот на ул.„ЈНА“ во Гостивар, при вршење службени дејствија во сообраќајот, двајца полициски службеници од Полициското одделение за безбедност на патниот сообраќај Гостивар дале знак за запирање на патничко возило „шкода рапид“ со скопски регистарски ознаки, кое се движело со брзина поголема од дозволената.

Возачот на возилото не застанал, ја зголемил брзината и со возилото се обидел да удри еден полициски службеник, по што продолжил со движењето, известуваат од полицијата со најава дека ќе биде поднесена соодветна пријава.