Двојно помалку неважечки ливчиња во Гостивар во вториот круг на гласање

По обработката на податоците за гласањето за градоначалник од сите 121 избирачко место во Општина Гостивар, Државната изборна комисија објави дека за Арбен Таравари гласале 18.685 граѓани (57,73%), додека за Невзат Бејта 12.982 (40,11%).

Правото на глас во Гостивар во вториот круг од локалните избори го оствариле  32.365 гласачи, што е 39,92 отсто од вкупниот број запишани во избирачкиот список. За неважечки се прогласени 698 гласачки ливчиња, што е речиси двојно помалку отколку во првиот круг на гласање, кога вкупно имаше 1.368. Процентот пак на излезност е скоро ист во двата круга.