Д-р Ферид Садику, почесен граѓанин на Гостивар

Традиционално по повод Денот на Општина Гостивар истакната личност добива симболичен клуч на градот и се прогласува за почесен граѓанин. Годинава таа чест му припадна на докторот Ферид Садику. Признанието му беше доделено на вечерашната свеченост, организирана за општинскиот празник.

„Сакам да се заблагодарам на општинското раководство за оваа укажана чест и привилегија. Без скромност ќе кажам дека овој чин, за мене значи гест на почит на вашата генерација кон мојата генерација. Гостивар ви го оставаме вам како аманет, како место на чесни и културни луѓе, кои го сакаат образованието и ќе продолжат да се надоградуваат. Не мора да се штедите за да се оддолжите на родната грутка, затоа што тоа вреди“, рече д-р Садику во краткото обраќање пред присутните.