Изјава на Дафина Стојаноска, носителка на листа од ВМРО-ДПМНЕ во ИЕ-6

Носителката на кандидатската листа за пратеници во Изборна единица 6 од ВМРО-ДПМНЕ и Коалицијата „Твоја Македонија“, Дафина Стојаноска денес го оствари своето право на глас на избирачко место во Гостивар, по што ја даде следната изјава:

„Утрово е направен обид да се испука глинен куршум кон македонската демократија. Сценариото за бојкот на претседателските избори е она на коешто ние предупредувавме. Една мала криминална група повикува на бојкот на претседателските избори, главни причини за тоа се да се спаси од правда и одговорност за криминалите. Сепак најсилното оружје е во рацете на народот, а тоа е гласот. Народот денес гласа за демократија, за слобода на Македонија и за слобода на нејзините уставобранители. Нека ни е вечна Република Македонија.“