Голем чин: Кирил Пејчиновиќ Тетоец и Јаоким Крчовски канонизирани во СВЕТЦИ

Кирил Пејчиновиќ – Тетоец (1771 – 1845) просветител, кој сите свои дела ги напишал на народен јазик и Јоаким Крчовски (1750 — 1820), нроден учител и просветител, кои заедно ја претставуваат првата генерација писатели на современата македонска книжевност се прогласени за СВЕТЦИ.

„Денес радоста од вчерашниот ден е умножена! Македонската Православна Црква – Охридската архиепископија преку одлука на САС одлучи да ги канонизира за светители, игуменот Лешочки и народен просветител и учител Кирил Пејчиновиќ Тетоец како Свети Преподобен Кирил Лешочки и просветителот и игумен Јоаким Крчовски како Свети Праведен Јоаким. Ова е одлука со огромно и долгорочно значење за мое Тетово и полошкиот регион. Имаме наш Светец, молитвен застапник и чувар. Радост ми претставува тоа што неговата светост е препознаена од неговиот народ.

Благодарност за огромниот ангажман на Митрополитот Јосиф кој го предложи неговото канонизирање и се даде себеси да му го издигне повторно Лешочкиот манастир.“, објави директорот на Комисијата за односи со верските заедници и религиозни групи, Даријан Сотировски.