АА: Патот Маврово-Дебар, пат на смртта. Итно да се интервенира!

„Во последната година патот Маврово-Дебар се претвори во пат кој повеќе води кон болници и смрт. Поради недостиг на сигнализација и заштитна ограда на патот, на овој правец се зголемил бројот на сообраќајните несреќи коишто не ретко имале и фатален епилог за граѓаните. Мината година три лица ги загубија животите, а многу други биле повредени во други сообраќајки.“, реагира преку соопштение Алијанса за Албанците нагласувајќи дека било планирано работите на овој пат да завршат во август 2021 година, а за задоцнувањето и пролонгирањето нема одговорност.

АА ги повикува одговорните органи да интервенираат за да се спречат поголеми трагедии, како што велат, со оглед на тоа дека е еден од најфреквентните патишта. „Истовремено, ги повикуваме граѓаните да бидат претпазливи, особено во празничните денови кога временските услови ја отежнуваат уште повеќе состојбата.“, стои во реакцијата.