Акција во Гостивар:Казни по 400 евра за превоз на патници со неисправни возила

Вчера (21 февруари) од 7 до 11 часот на подрачјето на СВР Тетово спроведена е акциска контрола на возила кои вршат јавен превоз на патници. При контролата во регион на Гостивар биле откриени и санкционирани 5 технички неисправни возила. Три од возилата имале неисправни сопирачки, а 2 неизвршиле технички преглед, извести СВР. Технички неисправните возила веднаш се исклучени од сообраќај и изготвени им се поднесоци со парични глоби од 400 евра во денарска противвредност.

Секторот за внатрешни работи Тетово уште еднаш со апел до учесниците во јавен превоз на патници, автобуси, минибуси, комбиња или патнички-такси возила, навреме да ја проверат техничката исправност на возилата, посебно на сопирачките и уредите за управување, но и на светлосната сигнализација, пневматиците и другите системи. На тој начин најнепосредно ќе придонесат за сопствената и за безбедноста на патниците што ги превезуваат, како и на другите учесници во сообраќајот.