Алијанса за Албанците формираше преговарачки тим за влез во Влада

Централното претседателство на Алијанса за Албанците вечерва по партиското Собрание го одржа првиот состанок на кој се разговараше за партиските активности и политичките случувања во земјава. Во изјавата за медиумите, по состанокот на Претседателството, претседателот, Арбен Таравари, изјави дека вклучувањето на АА во Владата може да се случи ако се процени дека треба да се даде шанса и време на обезбедување на 80 гласови за одобрување на уставните промени, како услов за отварање на преговорите со Европска Унија. Преговарачкиот тим го сочинуваат Таравари заедно со уште пет најблиски соработници.

Таравари додаде дека Алијанса за Албанците, во евентуалните разговори приоритет ќе ги има програмските цели и кадровските избори, со цел да се зголеми квалитетот на работата на Владата и да се направи разлика во владеењето.

На овој состанок е донесена одлука за распишување на конкурсот за избор на претседател на огранокот во Тетово, Јегуновце и Чашка.