Алијанса за Албанците и Алтернатива ја започнаа кампањата за избори

Коалицијата на партиите на Зијадин Села и Африм Гаши, Алијанса за Албанците и Алтернатива ја започна кампањата за предвремените парламентарни избори.

„Чест ни е да ве информираме дека почнувајќи од денеска, Коалицијата Алијанса за Албанците и Алтернатива ја започна својата политичка кампања за предвремените парламентарни избори во Република Северна Македонија, со мотото „Сега е време“. Дојдено е времето за демократија и кај Албанците. Сега е време за промена кај Албанците! Сега е време за еднакви права! Сега е време за еднакви инвестиции! Сега е време за правда која не ги бира граѓаните според етничка, политичка и верска припадност! Сега е време за квалитетно образование! Сега е време за квалитетно здравје! Сега е време за држава за сите!“, соопштија од Коалицијата.