Алкохол во продавниците и маркетите ќе се продава 24 часа

Со 62 гласа „за” пратениците на вчерашната 76-та седница гласаа за измените на Законот за трговија со кои се укина забраната за продажба на алкохол по 19 часот воведена од претходната владата во 2008 година.

Со најновите законски измени, што пратениците ги усвоија на вчерашната собраниска седница, се дозволува и продажба на алкохолни пијалаци во киосците, но останува забраната за продажба во продавниците во состав на бензинските станици.

Останува и забраната за продажба на алкохол на лица помлади од 18 години. За да можат да
продаваат алкохолни пијалаци, трговските објекти и понатаму треба да поседуваат соодветни лиценци.