Апсење во Гостивар поради поткуп од 300 евра

Денес околу  12 часот и 30 минути на улица „Кеј Вардар“ во Гостивар, полициски службеници лишиле од слобода 38 годишен жител на Тетово, поради примање поткуп од лице од Гостивар.

За случајот полицијата соопштува: „Тетовецот М.А.(38) како вработен во УЈП Тетово побарал од гостиварецот 300 евра за да не му биде затворен неговиот објект, откако пред една недела при контрола во објектот биле констатирани одредени законски недостатоци.  Побараните средства претходно биле крим-технички обработени. Откако тетовецот ги зел, се обидел да се ослободи од нив, но бил фатен и спречен во намерата. Тој бил задржан во Полициската станица Гостивар и во консултација и координација со Јавен обвинител од ОЈО Гостивар ќе му биде изготвен соодветен поднесок.“