Автомобил удрил во дете на улица во Гостивар

Седумгодишно дете е повредено во несреќа којашто се случила денес (4 февруари) во Гостивар.

СВР Тетово соопшти дека околу 12 часот и 10 минути, пријавено е дека на улица „101“ во Гостивар, патничко моторно возило „форд С макс“ со гостиварски регистарски ознаки, управувано од 43-годишен гостиварец, удрило во 7-годишно дете, пешак.

Детето се здобило со тешки телесни повреди и било пренесен во гостиварската болница „Ферид Мурад“ за укажување на лекарска помош.

На местото на несреќата увид извршила екипа од Одделението за внатрешни работи Гостивар.