Бразилски доктор советува: Не вежбајте, желката не прави ништо, а живее со векови

Бразилскиот доктор Пауло Убиратан е познат по својот сосема поинаквиот став за здравјето на луѓето, од останатата лекарска фела. Тој тврди дека луѓето не треба да бидат физички активни и дека кога не се болни дека треба да јадат и пијат секаква храна и пијалоци. Според него вегетаријанството е штетно, а вежбањето го оптоварува кардиоваскуларниот систем, па оттаму не го продолжува, туку го скратува животот.

„Секое срце има одреден број на мускулни контракции. Не трошете ги на вежби. Животниот период ќе ви истече, без оглед на тоа како го користите вашето срце. Тоа е исто, како да тврдите дека ќе го продолжите животниот век на вашиот автомобил, ако го возите со голема брзина.  Ако не ве боли ништо и ако сте здрави, тогаш се` ви е дозволено. Јадете мрсна и пржена храна, пијте пиво и вино, јадете месо и што е најважно не се оптоварувајте со никаква физичка активност. Да беше пешачењето здраво, поштарите ќе беа бесмртни. Китовите цел живот пливаат, јадат риба и пијат вода, па сепак се дебели. Зајаците трчаат и скокаат нон стоп, а живеат 15 години. Желката не трча, бавна е и не прави ништо, а живее со векови.“, со овие зборови бразилскиот доктор ги објаснува своите чудни тврдења.