Брз и многу едноставен десерт – парчиња јаболка завиткани во лиснато тесто

Убав и малку поздрав десерт, а се прави многу брзо и едноставно. Парчињата јаболка завиткани во лиснатото тесто се претвораат во вкусно уживање кое ги задоволува сетилата со нивната сочност и крцкавост.

Доколку не сте од оние кои подготвуваат домашно лиснато тесто, може и да си купите.

За овој супер десерт ќе ви бидат потребни:

• 2 јаболка,
• 1 правоаголно лиснато тесто,
• 50 гр кафеав шеќер,
• 1-2 лажички цимет,
• Шеќер во прав
• половина лажичка сол и
• едно јајце за премачкување.

Прво излупете ги јаболката и исечете ги на тенки кришки со дупка во средината. Потоа лиснатото тесто исечете го на ленти широки од 2 до 3 сантиметри. Секое парче јаболко завиткајте го со лента тесто. Изматете го јајцето и намачкајте го на површината.

Ставете ги на плех и печете ги 20 до 25 минути на 180ºC или додека не добијат златно-кафеава боја. Посипете ги со кафеав шеќер, шеќер во прав, цимет и малку сол за дополнителен вкус. Уживајте!