Идеја за оние што постат: Намаз од печурки и модар патлиџан

За православните верници во тек е Божиќниот пост, па затоа пренесуваме рецепт за вкусен посен намаз од печурки и модар патлиџан.

Состојки:

400 гр печурки шампињони

200 гр модар патлиџан,

1 кромид,

3 чешниња лук,

сол,

бибер,

сок од лимон,

маслиново масло.

Подготовка:

Печурките, модриот патлиџан, лукот и кромидот исецкајте ги на помали парчиња, наредете ги во плех, зачинете со сол и бибер и посипете ги со малку маслиново масло.

Покријте со алуминиумска фолија, па печете во рерна загреана на 180°C околу 30-40 минути, додека не омекнат.

Откако ќе се испечат, ставете ги во блендер, заедно со сокот што го пуштиле од печењето. Кога ќе добиете компаткна смеса додадете сок од лимон, сол и бибер. Оставете го намазот да се излади во фрижидер најмалку еден час пред јадење. Може да се чува во фрижидер неколку дена.