Чествување на Богојавление во Ростуше и на Радика

Монашкото братство на Бигорскиот манастир го прослави големиот христијански празник Богојавление-Водици со Божествена златоустова литургија во храмот Пресвета Богородица во селото Ростуше, литијата до Ростушки мост и положување на светиот крст во реката Радика. Крстот го извади Борче Јанев од Свети Николе, кој како благослов на дар од Епископот г. Партениј доби зографисана икона на Светото Богојавление, а од градоначалникот на општината Маврово-Ростуше Медат Куртовски доби на подарок телевизор.

„Епископот г.Партениј, озарен со благодатта на овој празник, отслужи архиерејска Литургија, на која присутните Го примија благословот на причестувањето со Христа. Едното таинство го надополнува другото., озарен со благодатта на овој празник, отслужи архиерејска Литургија, на која присутните Го примија благословот на причестувањето со Христа. Едното таинство го надополнува другото. Колку што е чудесна и животворна тајната на светото причестување, во која Он целосно почива, вршејќи очистување, осветување и обожение, исто толку чудесна и дејствителна за нашето спасение е тајната на Божественото Крштение. Затоа, соединети со Христа, во Кого денес Троичното Божество ни се објави, верните во торжествена литија се упатија кон водите на ледената Радика за да се измијат и да го примат Троичниот благослов. Прекрасно беше да се види како најхрабрите и најиздржливите меѓу нив, трпеливо и со длабока побожност го очекуваа доаѓањето на свечената процесија, која најпосле се спушти до Ростушкиот мост, каде низ умилниот молитвен глас на епископот Партениј беше извршен чинот на осветување на водите.“, се вели во соопштението од Бигорски по повод чествувањето.

фото:Бигорски манастир