Давитков со пораз дебитираше на клупата на КК Гостивар

Екипата на КК Гостивар го загуби натпреварот против МЗТ Скопје кој се одигра попладнево во Спортската сала Младост во Гостивар со резултат 69:78.

Тренерот Јорданчо Давитков со пораз ја започна новата улога на клупата на гостиварци, но првиот предизвик беше оној најтешкиот и неговите играчи не успеаа да го надиграат актуелниот шампион.

Силното темпо од самиот почеток на МЗТ Скопје беше нерешлива енигма за домаќините, кое го контролираа низ целото прво полувреме. Добрата одбрана и искористувањето на рекетот беше разликата што им донесе на аеродромци лесни поени и двоцифрена предност веќе по првата четвртина (10-25), на полувреме се замина со резултат 28-44.

Во вториот дел, КК Гостивар се обиде да се врати во натпреварот со шутот за три поени, дури и ја намали разликата на достижно ниво, но МЗТ Скопје одново ја презеде иницијативата, со агресивната одбрана и стабилност во нападот ја однесоа победата со 69-78.

Овој пораз беше деветти за Гостивар во сезоната и прв по назначувањето на Давитков како тренер. Со оваа победа, МЗТ Скопје се искачи на врвот на табелата со 12 победи и само еден пораз.

Баковиќ беше најдобар поединец на теренот, кај Гостивар Вилијамс даде 18 поени, а Митевски и Стојаноски запишаа по 14 поени.

Повеќе фото на Телеграм каналот на Gostivarpress.mk