Делегација од турската општина Ејупсултан во посета на Гостивар

Делегација на Општина Ејупсултан од Турција, предводена од градоначалникот Дениз Кокен го посети Гостивар, а беше на прием кај гостиварскиот градоначалник Арбен Таравари.

„Ја имав честа да го пречекам градоначалникот на општина Ејупсултан (Република Турција), Дениз Кокен, заедно со општински советници и раководителите на здруженија и федерации на наши сограѓани кои живеат и дејствуваат во оваа општина, каде нивниот број се претпоставува дека е значителен. Посебна чест да сретнам меѓу нив и двајца општински советници по потекло од Гостивар, г-ѓа Зехра Пурде и г. Џенгиз Чуп. Им се заблагодарив за посетата и за досегашната соработка. Продолжуваме да ги развиваме братските односи меѓу нашите две општини.“, истакнува Таравари.

При средбата градоначалниците си разменија симболични подароци.

Турската делегација направи обиколка низ Гостивар, го посети основното училиште „Мустафа Кемал Ататурк“, просториите на Genç Kalemler, како и седиштето на гостиварското Муфтиство.