Детали за разбојништвото кое се случи во аптека во Гостивар

Полицијата трага по разбојникот кој во четвртокот навечер ограби аптека во Гостивар. Надлежните денес информираа дека се работи за целосно расчистување на случајот, пронаоѓање и идентификување на сторителот.

Разбојништвото е регистрирано на 14 јуни во 21 часот и 25 минути, на ул ,,Мајор Чеде Филиповски“  во апотка сопственост на 38 годишната В.А. од Гостивар,  која се наоѓа во кругот на гостиварската болница. За сега непознато лице влегло во аптеката, заканувајќи се со пиштол на вработената А.К. (31) и од касата одзел, 51. 770 денари во апоени од 50 евра и 5 евра, како и 29. 000 денати во апоени од по 1000 и 500 денари и повеќе банкноти од по 100 денари. Разбојникот потоа веднаш побегнал со пленот.