До сега невиден студ во САД – Чикаго под мраз

Америка е погодена од поларен бран, познат како поларен вител. Владеат екстремно ниски температури, поради што во повеќе градови се воведени вонредни мерки. Откажани се 1.300 летови, затворени се училишта, а не работат и други служби. Изминатите денови, регистрирани се неколку жртви на студот.

Медиумите јавуваат дека во текот на минатата ноќ температурите се спуштиле и до минус 35 степени Целзиусови, а во Чикаго е постудено отколку во делови на Антартикот. Реката во овој град е речиси целосно замрзната.

Здравствените власти излегле со препораки и предупредувања до граѓаните, да не излегуваат без потреба и да не остануваат на едно место кога се на отворено, со оглед на тоа што при такви поларни температури телото може да замрзне за 15-тина минути.