Донесен ребаланс на буџетот на Општина Гостивар

Советот на Општина Гостивар на денешната онлајн седница изгласа ребаланс на буџетот за 2020-та година. Како што беше објаснето од општинскиот Сектор за финансии измените во ставките се должат на текови поради пандемијата како и префрлување на средства од минатата година.

„Консолидираниот буџет се намалува за 28 милиони денари, односно 2,45%. Ова доаѓа последица на намалување на донации. Во овој дел приходите кои беа планирани 55 милиони денари се намалуваат на 18,5 милиони. Намалување има и кај самофинансирачките активности и тоа од 20,3 на 15,3 милиони денари, односно за 25%. Во основниот буџет предвидуваме 1,3% зголемување и  тоа е резултат на пренесување средства од минатата година, па така од 355 милиони денари ќе се зголеми на 360 милиони. Даночните приходи се намалуваат за 6,5 %, додека неданочните за околу 1%. Во блок дотациите има зголемување поради пренесување на средства од минатата година во износ од 8,5 милиони денари.“, објасни Газменд Исмаили од Секторот за финансии.