Едно лице е тешко повредено во несреќа на патот Гостивар-Кичево

Вчеравечер (27 јануари) во 22 часот и 15 минути во СВР Тетово пријавено е дека на магистралниот пат Гостивар-Кичево, во близина на Новоселски гробишта, патничко моторно возило „шкода октавија“ со ресенски регистарски ознаки, управувано од 31 годишниот Г.К. од Ресен, изгубило контрола и излетало од коловоз.

Во несреќата,  сопатникот во возилото Д.И. на возраст од 30 години од ресенско Стење  се здобил со тешки телесни повреди констатирани во гостиварската Општа болница „Ферид Мурад“, каде бил пренесен за укажување на лекарска помош. На местото на несреќата увид извршила екипа од Одделението за внатрешни работи Гостивар.