Гостивар
Едногласен „амин“ за буџетот на Гостивар за 2024-та од над 1,3 милијарди денари
Советот на Општина Гостивар на денешната седница го усвои буџетот за 2024-та година, кој има вкупна финансиска рамка од над 1,3 милијарди денари. Најважниот финансиски документ на локалната самоуправа беше донесен едногласно, без широки дебати и многу дискусија.
Од Секторот за финансии и буџет направија видео презентација на ставките во буџетот и подетално ги појаснија планираните приходи и расходи.
„Од даночни приходи предвидени се над 200 милиони денари, додека најголем дел од приходите 68% се од дотации. Како капитални инвестиции од поголем размер би ги напоменале, изградбите на ул „Ленинградска“ и „Гоце Делчев“, како и патот Беловиште-Форино.“, кажаа меѓу другото од надлежниот Сектор.
Во име на советничката група на СДСМ, Ема Нешковска истакна неколку предлози со барање да се земат предвид и да се вметнат во буџетот.
„Општината да овозможи јавно следење на седниците како што е пропишано во Законот за локална самоуправа, потоа изработка на проект за изградба на детска градинка во Циглана, со поддршка на Министерството за труд и социјала, изградба на мултифункционално игралиште во Циглана во соработка со Агенцијата за млади и спорт, уредување на дворот и изградба на мултифункционално игралиште во ОУ „Гоце Делчев“ , опремување на училница со сензорна интеграција за деца со попреченост во ОУ „Исмаил Ќемали“, општината да обезбеди простор за Младински информативен културен центар, реконструкција на повеќе улици во Циглана, Фазанерија, Дутлок и централното градско подрачје. Создавање на повеќе паркинг места, изградба на современ градски пазар, раззеленување на повеќе делови од градот, опремување и доуредување на игралишта во Малеарди, Кеј Вардар и Дутлок“, рече советничката Нешковска.
Советникот Лек Далипи од ДУИ подвлече дека како советничка група ја даваат својата поддршка за буџетот што значи издигнување над партиските интереси, а секоја ставка треба да се гледа како стратешка инвестиција, како темел за богата иднина на Гостивар.
Буџетот за 2024 година ќе биде најголемиот буџет на Општина Гостивар досега, со вкупна сума од 1.366.173.000 денари.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот