Гостивар
Блокади во Бањица: Крајно незадоволни сме од работите за Коридор 8, никој не води сметка за нас
Граѓаните од Горна и Долна Бањица денес ги блокираа влезовите на овие населени места од револт за работите за изградба на Коридорот 8 во нивна близина. Незадоволството на жителите расте, и по протестот што го организираа пред десетина дена, се решија на блокада на патиштата за да ги спречат возилата на работниците на коридорот да поминат на локациите кадешто се работи.
„Крајно незадоволни сме од проектот за Коридорот 8 и веќе најавивме дека ќе имаме редовни протести и блокади. Денес ги затвориме патиштата, приодот до локациите каде се вршат работите. Не добивме никакви информации од надлежните институции, што се работи во атарот на нашите села, немаме никакво известие каков е планот и зошто ни‘ се одземаат нивите. Пишува во решенијата што ги добивме само „трајна експропријација“, а зошто, како, што никој не ни кажува, тоа е знак прашалник. Сериозни сме во нашите барања, и продолжуваме со протести и блокади. Следниот протест ќе биде пред општина, а ќе го блокираме и магистралниот пат, се‘ додека не добиеме официјално известие какви се плановите, што се предвидува ќе делуваме на ваков начин. Ние живееме тука 5.000 души и опстанокот ни е од тоа земјиште што сакаат да ни го земат, а нив апсолутно не им е гајле за ништо. Ни државата води сметка за тоа, никој.’, рече Насир Асипи, претставник на учесниците во блокадите.
Граѓаните најавија дека доколку не добијат одговор од институциите, ќе организираат уште поголеми протести и блокади заеднички со жителите на околните села Здуње и Дебреше.
На првиот протест во Бањица мештаните искажаа револт што никој од надлежните институции не ги информирал дека ќе стартува таков проект и дека е предвидено да се врши експропријација на нивните ниви, туку одеднаш почнале да добиваат покани да си подигнуваат решенија за трајно одземање на земјиштето за минимален надоместок.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок