Гостивар
Електричните тротинети да не се возат по улици, апелира полицијата и најавува интензивни контроли
Секторот за внатрешни работи Тетово ги засили, а во наредните денови уште повеќе ќе ги интензивира планираните контроли на лицата кои управуваат електрични тротинети и кои не се придржуваат на сообраќајните правила и прописи што се однесуваат на оваа категорија учесници во сообраќајот.
СВР Тетово ги потсетува сопствениците на електрични тротинети дека согласно Законот за безбедност на сообраќајот на патиштата (член 130) тие треба да се движат исклучиво по велосипедски патеки или велосипедски ленти, но не и по самите улици. Доколку нема вакви патеки и ленти тие треба да се движат по тротоари, меѓутоа не во група и не со брзина поголема од 6 километри на час, а на патеки и ленти со брзина не поголема од 20 километри на час. Електрични тротинети не смеат и не можат да управуваат лица помлади од 14 години, не смеат да влечат или туркаат предмети, животни и слично.
Покрај ова, на лицата кои управуваат електрични тротинети им се советува задолжително да носат заштитен шлем, односно кацига и рефлектирачки елеци, особено во доцните попладневни и вечерните часови. За непочитување на овие препораки и укажувања на оние кои управуваат електрични тротинети или на нивните родители, зависно од возраста, ќе им се изготвуваат поднесоци со парични глоби кои се движат од 50 до 120 евра во денарска противвредност.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар