Елези: 1,2 милиони евра државни пари за изградба на патишта во Гостивар

Заменик министерката за финасии Ширет Елези, при неодамнешната посета во гостиварско, изјави дека државата инвестира во повеќе капитални проекти на територијата на Општина Гостивар. Како примери посочи опремување на детските градинки, изградба и реконструкција на патни правци и друго.

„Преку Министерство за труд и социјала во тек е опремување на детските градинки во износ од 150 илјади евра, потоа процедурите за изградба на три патни правци Здуње – Дебреше, Долна – Горна Бањица и реконструкција на улицата „Илинденска“, за што се одобрени 1,2 милиони евра и овие зафати ќе се реализираат преку проектот за подобрување на локалните патишта на Министерство за транспорт и врски. Претходно со овој проект беше изграден патниот паравец од Трново до Падалиште. Во тек се неколку проекти кои се реализираат преку Агенција за млади и спорт, исто така преку ИПАРД и Програмата за рурален развој.“, рече Елези.