Фрчат казни за брзо возење по патиштата во Гостивар

Во контрола која полицијата ја спровела на гостиварското подрачје вчера (4 ноември) биле откриени 29 возачи кои возеле со поголема брзина од дозволената. Сите биле регистрирани надвор од населено место, a 3 возачи ја пречекориле брзината за над 70 километри на час.

СВР Тетово соопшти дека прекршоците биле санкционирани со 27 мандатни платни налози и 2 писмени опомени. Казната за пребрзо возење се движи од 45 до 400 евра, со тоа што на оние кои ја пречекориле брзината за повеќе од 30 во населено место и за повеќе од 50 километри на час надвор од населено место, им се изречува и времена мерка-одземање на возачката дозвола од три месеци до една година.

Акцијата била реализирана во периодот од 12 до 18 часот.