Гостивар
ГАКУД „Браќа Ѓиноски“ ја круниса годината со концерт, течат подготовки за јубилејот 7 децении постоење
Со голем завршен концерт на песни и ора, градското аматерско културно уметничкото друштво „Браќа Ѓиноски“ од Гостивар, ги заокружи активностите за 2019-та година. Концертот се одржа во Центарот за култура АСНОМ, на програмата се најдоа повеќе сплетови на ора и песни Беранче, Водарки, Тресеница, во изведба на фолклорните групи од сите возрасти.
Во текот на годината што ја оставаме зад нас, гостиварското културно-уметничко друштво оствари десетина концерти, гостувања и настапи. Во 2020-та ќе слави значаен јубилеј, 7 децении постоење.
„Освен концертите во Гостивар, годинава имавме гостувања во Македонски Брод, Брвеница, а учествувавме и на меѓународен фолклорен фестивал во Бугарија, заедно со културно-уметнички друштва од осум држави. Веќе ги започнавме подготовките за одбележување на јубилејот, а програмата ќе ја објавиме кон крајот на јануари“, изјави Анте Тодоровски, секретар на ГАКУД „Браќа Ѓиноски“
На завршниот концерт солистички настап имаа и пејачите Перо Пандилоски и Мирослав Крстески.
Младите гостиварци покажуваат интерес да ја продолжат мисијата на друштвото за негување на традициите и македонскиот фолклор, чии почетоци датираат уште пред Втората светска војна, а се официјализирале со првиот настап во 1950-та година во старата гостиварска Соколана.
Публиката и денес, на завршниот концерт, несебично и од срце, нивните настапи ги награди со аплаузи.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар