Поврзи се со нас

Спорт

Германија нов Светски шампион во кошарка

Објавено

на

Кошаркарската репрезентација на Германија го освои златниот медал на Светското првенство, откако во финалето во Манила ја совлада селекцијата на Србија со 83:77 (23:26, 24:21, 22:10, 14:20).

Германија за прв пат во историјата го освои златниот медал на СП. Ова е втор медал за Германија на светските првенства по бронзениот медал на СП 2002 во Индијанаполис.

Денис Шридер ги предводеше германците со 28 поени, а Франц Вагнер додаде 19. Кај србите најефикасен беше Алекса Аврамовиќ, кој постигна 21 поен, додека Богдан Богдановиќ додаде 17.

Србија го отвори натпреварот со тројката на Стефан Јовиќ, а потоа Никола Јовиќ погоди за 5:0. Во третата минута се повреди Огњен Добриќ кој скокна на ногата на Данијела Тис. Потоа го напушти теренот и во придружба на докторот замина во соблекувалната. Германија го промени резултатот на 7:7 со серија 7:2. Репрезентациите потоа водеа наизменично, првата четвртина „орлите“ ја добија во своја корист со резултат 26:23.

Србија водеше со 28:23 на стартот од втората четвртина, но во 13. минута Германија со серија од 7:0 го сврте резултатот на 30:28. Потоа се играше поен за поен, а екипите наизменично се менуваа во водство. Првото полувреме заврши со резултат 47:47.

На стартот од третата четвртина се играше поен за поен, а Германија во 24. минута дојде до предност од 55:51. Избраниците на Светислав Пешиќ во третата четвртина постигнаа само шест поени за осум и пол минути, а тоа го искористи Германија и поведе со 64:53. Само минута подоцна беше 67:55 за Германија, а третата четвртина заврши со резултат 69:57.

Србија го намали водството на Германија на 71:64 со поените на Аврамовиќ и Петрушев во 33. минута. Србија од минута во минута ја „топеше“ предноста на противникот, а на 39 секунди до крајот беше 79:77 за „панцерите“. Сепак, Германија успеа да го задржи водството и да победи со 83:77.

Бронзениот медал го освои селекцијата на Канада која во мечот за третото место по продолжение 127:118 ги совлада САД.

СП се одржа во Јапонија, Индонезија и Филипини. Следното СП ќе се одржи во 2027 година во Катар.

Сподели ја веста:

Маркетинг

Advertisement
Advertisement
Advertisement
Гостиварпред 4 месеци

Света архијерејска Василиева литургија во Гостивар со гости од Србија и чин на ракоположување

Гостиварпред 4 месеци

Со љубов и почит кон корените – „Танец“ одржа концерт во Гостивар

Гостиварпред 6 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 7 месеци

Ангелчињата во Гостивар го најавија Христовото раѓање-Бадникова поворка 2024

Спортпред 8 месеци

По првиот круг од сезоната КК Гостивар „виси“ на 8-та позиција на табелата

Спортпред 8 месеци

Кехинде од пенал му пресуди на Македонија Ѓорче Петров 1-0

Гостиварпред 11 месеци

Стефановски: Гостивар одличен како домаќин и публика, благодариме од срце!

Спортпред 11 месеци

ФК Гостивар загуби на домашен терен од Силекс 1-2

Гостиварпред 12 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Огласи за работа:

Advertisement

сите дневни вести на Телеграм:

Advertisement

Популарно изминативе 100 дена