Голем пожар во НП Маврово, во гаснењето вклучен и хеликоптер

На територијата на НП Маврово од вчера активен е пожар на поголема површина во кој се зафатени пасишта, смрека и папрат. Според последната информација од ЦУК во текот на денот во гаснењето на огнот интервенираат пет лица вработени во Националниот парк, а  ангажиран е и хеликопкер.

„За настанатата состојба известен е градночалникот на Општина Маврово-Ростуше и истиот известил дека поради непристапноста на теренот и лицата кои интервенираат во гаснењето на пожарот не можат да се справат со истиот, па поради тоа од негова страна  беше побарано до директорот на ЦУК, Ангелов, ангажирање воздухоплови за гаснење на пожарот. Хеликоптерот на МВР веќе дејствува, при што полни вода од Мавровско Езеро.“, извести ЦУК.

Според информациите од раководителот на Секторот за операции и координација во ЦУК, Горан Стојановски, освен во мавровско, посериозен пожар на отворен простор има и во тетовско, над Ѓермо на Шар Планина, каде што двата крака се изгасени и се дејствува да се изгаси и третиот крак во координација со ренџерите од НП ,,Шар Планина” и други сили според потребите и условите.