Гостивар се вклучува во кампањата против насилството врз жени

Со работилници и едукација на младата популација, Гостивар ќе се вклучи во Меѓународната кампања „16 дена активизам против насилството врз жени и девојчиња“. Настаните ќе се одржат во текот на оваа и во наредната недела.

Кампањата ја спроведува Женската граѓанска иницијатива Антико. Целта е да се придонесе кон зголемување на јавната свест и информираноста за мерките кои треба да се преземат во однос на проблемот на насилството врз жените и девојчињата и семејното насилство. „Наша главна цел е да се овозможи превенирање на насилството и подобрување на заштитата на потенцијалните жртви, но и да се потсетат сите надлежни институции за потребата од активно и координирано дејствување“, велат од Антико.

Работилниците во Гостивар ќе се организираат во соработка со Центарот за социјална работа и Црвениот Крст.